Огласувањето започнува со одбирање на категорија во која спаѓа вашиот оглас. Категоријата може да се одбере од главната страна преку „Огласувај“ делот од паѓачкото мени, преку страната „Огласувај“ од главното мени, или при листање на огласи во категорија преку копчето „Огласувај“ до пребарувачот. Во паѓачкото мени излистани се сите категории. Откако ќе одберете категорија и кликнете на копчето „Огласи“, ќе бидете префрлени на страната со формата за огласување.

Огласување преку главната и „Огласувај“ страната

Огласување преку страната за листање на огласи по категорија

Формата за огласување е контекст-сензитивна. За различни категории има различни полиња кои треба да се пополнат. Некои од тие полиња се задолжителни, а некои не се. Задолжителните полиња се обележани со подебел фонт на лабелата.

Задолжително поле (горе) и незадолжително поле (долу)

Некои полиња се појавуваат откако ќе одберете цел на огласот. На пример за станови со одбирање на продавам или издавам, се отвора мапа за внесување на локација, поле за цена и валута.
Внимание: внесувањето цена никогаш не е задолжително. Ако немате одредено цена воопшто не ја внесувајте.
Од полињата за внесување контакт информација задолжително е барем едно: домашен телефон, мобилен телефон или е-пошта.

Пред огласот да биде зачуван, информациите во полињата се валидираат за грешки и несоодветна информација - формат на е-пошта, формат на телефонски број, цена и валута, регион и локација на мапа како и внесување на информации кои не соодејствуваат со целта на огласот како купувам автомобил и внесување на поминати километри. Доколку некое поле е невалидно, ќе биде обележано со опис за причината за невалидност.

Невалидно поле

За секој оглас се внесува лозинка. Лозинката е лично ваша, може да биде секогаш различна, или иста и служи за дополнителна администрација на огласот т.е. бришење или промена на истиот ако не сте задоволни од него или негова обнова ако не сте ја реализирале вашата цел во одреден временски период.

Доколку формата го помине процесот на валидација, огласот ќе се зачува и ќе бидете префрлени до деталната страна на огласот.

За секој оглас може да закачите повеќе слики. Тие слики се гледаат во галеријата на деталната страна на огласот. За качување слики потребно е вашиот интернет прелистувач да има Flash плагин. Доколку можете да гледате клипови на youtube тогаш овој плагин е присутен. Постојат неколку ограничувања во врска со сликите:
-Може да качувате само слики во формат .jpg, .gif, .bmp, .png.
-Сликите да се помали од 2MB.
-Качувањето слики е контекст-сензитивно - не можете да качувате слики за секоја цел и категорија.

Слики се додаваат со притискање на „Додади слика“ копчето на дното од формата. Додадените слики ќе се појават под него со копчиња за бришење на истите.

Додавање слики

За огласите во категориите „Недвижен Имот“ може опционално да се маркира локацијата на недвижнината на мапа. Со помош на глувчето се движи мапата над локацијата, се зумира мапата со алатка од менито или скролерот на глувчето, се додава локацијата со помош на алатката пенкало и се брише со алатката - метла. Локацијата на мапата мора да спаѓа во регионот кој што сте го одбрале. Со помош на движење и зум на мапата можете многу прецизно да ја внесете локацијата на недвижнината. Локацијата е маркирана со розева точка.

Додавање локација на слика - на сликата маркиран е плоштадот Македонија

По успешното објавување на огласот, ќе бидете веднаш префрлени на деталната страна на истиот која е и перманентна страна. На оваа страна се прикажани деталите за огласот, заглавие, содржина, контакт информации, цел итн. Исто така, доколку имате додадено некоја слика тука е галеријата и мапата со локацијата ако внесовте локација. Од оваа страна можете да го администрирате огласот т.е да го избришете, да го обновите, промените или да го објавите на популарните сервиси како facebook или twitter, да го букмаркирате во del.icio.us или google bookmarks или да го пуштите по имејл. При администрација на огласот, ќе се побара од вас да ја внесете лозинката која ја ставивте за тој оглас.

Административен дел

Огласува.ме е поддржан на сите модерни интернет прелистувачи вклучувајќи го Internet Explorer 6. Огласува.ме е комплетно функционален без javascript. За качување слики потребен ви е Flash плагин. За најдобро корисничко искуство препорачуваме понов прелистувач и вклучена javascript со кој ќе можете во целост да уживате во модерниот дизајн (Internet Explorer 6 и 7 не поддржуваат модерни и софистицирани дизајни и функционалности). Препорачани прелистувачи се Mozilla Firefox, Google Chrome, Apple Safari или Opera.